Türkiyədə helikopter qəzası - Biri general olmaqla, 6 hərbçi şəhid oldu

Türkiyənin Isparta vilayətinin Keçiborlu rayonunda təlim uçuşu zamanı iki hərbi helikopter toqquşub.

1news.az NTV-yə istinadən xəbər verir ki, hadisə nəticəsində 6 hərbi qulluqçu şəhid olub.

Qəza yerinə təcili yardım və yanğınsöndürmə qrupları cəlb edilib. Məlumata görə, toqquşma nəticəsində bir hərbi helikopter qəzaya uğrayıb, digəri isə təhlükəsiz şəkildə yerə enə bilib.

Şəhid olanlar arasında Isparta Quru Aviasiya Məktəbinin komandanı, general-mayor İsa Baydilli də var.

Hadisə ilə bağlı araşdırma aparılır.