Suriyada gərginlik artır: Müxaliflər irəliləyir, rejim əks hücuma hazırlaşır

Suriyada Heyət Təhrir əş-Şamın rəhbərlik etdiyi müxalif qüvvələr Hələb və Hama bölgələrində rejimə qarşı irəliləyişlərini davam etdirir.

1news.az xarici KİV-lərə istinadən xəbər verir ki, müxaliflər son günlər altı yaşayış məntəqəsini nəzarətə götürüb.

Suriya və Rusiya hərbi hava qüvvələri bölgəyə intensiv hava hücumları həyata keçirib.

Rejim qüvvələri Hama bölgəsində əks hücuma hazırlaşır. Eyni zamanda, ABŞ dəstəklədiyi Suriya Demokratik Qüvvələri (SDQ) Deyrizorda rejim və İran dəstəkli qüvvələrə qarşı əməliyyatlara başlayıb.

İdlibin tamamilə müxaliflərin nəzarətinə keçməsi ilə bölgədə gərginlik daha da artıb. Tel Rıfatda nəzarəti ələ keçirən Suriya Milli Ordusu (SMO) mülki vətəndaşların qayıdışını təmin etməyə çalışır.

İran və Rusiya rejimə dəstəyini davam etdirəcəyini bəyan edib. Eyni zamanda, regionda diplomatik səylər də artır. BMT son döyüşlər səbəbilə 50 min insanın yerindən edildiyini bildirib.