Los-Anceles yanğınlarında həyatını itirənlərin sayı 24-ə çatdı

ABŞ-ın Kaliforniya ştatının Los-Anceles şəhərində 6 gün əvvəl başlayan meşə yanğınları davam edərkən, fəlakətin nəticələri daha da ağırlaşır.
1news.az xarici KİV-lərə istinadən xəbər verir ki, Los-Anceles Tibb Ekspertiza Bürosunun verdiyi məlumata görə, Palisades yanğınında 8, Eaton yanğınında isə 16 nəfərin həyatını itirməsi nəticəsində ölənlərin sayı 24-ə çatıb.

Los-Anceles County Şerifi Robert Luna bildirib ki, Palisades yanğını bölgəsində 4, Eaton yanğını bölgəsində isə 12 nəfər itkin kimi qeydə alınıb.

Rəsmilər Palisades yanğınının 11 faiz, Eaton yanğınının isə 27 faiz nəzarət altına alındığını qeyd edərək, hələ də 105 min nəfərin təxliyə əmri altında olduğunu vurğulayıblar.