Almaniyada partlayış olub, iki polis yaralanıb

Almaniyanın paytaxtı Berlində polis idarəsinin yaxınlığında baş verən partlayış nəticəsində iki polis xəsarət alıb.

1news.az xəbər verir ki, bu barədə “Spiegel” nəşri məlumat yayıb.

Məlumata əsasən, hadisə Berlinin Vitenau məhəlləsində gecə saatlarında qeydə alınıb. Polis idarəsinin yaxınlığında naməlum əşyanın partlaması nəticəsində biri qadın, digəri kişi olmaqla iki polis əməkdaşı yaralanıb.

Zərərçəkənlərdən birinin vəziyyəti ağır olaraq qiymətləndirilir. Hadisə ilə bağlı araşdırmalar davam etdirilir.