Bu gün Gürcüstanın yeni prezidenti and içərək, vəzifəsinə başlayaq - YENİLƏNİB
Mixeil Kavelaşvili Gürcüstan parlamentində and içərək ölkənin altıncı prezidenti oldu.
O, Allah və xalq qarşısında Konstitusiyanı, ölkənin müstəqilliyini və bütövlüyünü qoruyacağına, vətəndaşların təhlükəsizliyi və rifahına çalışacağına and içib.
Bu məqsədlə xüsusi çap edilmiş və parlament muzeyində saxlanılacaq Konstitusiya nüsxəsindən istifadə edilib.
***
09:29
Bu gün Gürcüstanın altıncı prezidenti Mixeil Kavelaşvilinin andiçmə mərasimi keçiriləcək.
1news.az Gürcüstan KİV-lərinə istinadən xəbər verir ki, saat 11:00-da parlamentin plenar zalında baş tutacaq mərasimdə seçicilər, deputatlar, Gürcü Pravoslav Kilsəsi, Konstitusiya və Ali Məhkəmə rəhbərləri, hökumət üzvləri və digər rəsmi şəxslər iştirak edəcək.
Xarici səfirlər mərasimə qatılmayacaqlar.
And içmə üçün Gürcüstan Konstitusiyasının xüsusi nüsxəsi hazırlanıb və Parlament Muzeyində saxlanılacaq. Mərasim təxminən 40 dəqiqə ilə 1 saat arasında davam edəcək. Kavelaşvili and içdikdən sonra səlahiyyətlərini qəbul edəcək, hazırkı prezident Salome Zurabişvilinin səlahiyyətləri isə avtomatik xitam tapacaq. Baş nazir İrakli Kobaxidze, Zurabişvilini Prezident sarayını vaxtında tərk etməyə çağırıb, əks halda hüquqi tədbirlər görülə biləcəyini bildirib.
